|
|
¤ Skinwel ¤
Petra zo nevez hiriv 'barzh an tele?
Petra o-deus laret e vije va choaz warc'hoazh?
A-benn diskuizhañ, gouzout petra zo c'hoarvezet
A-benn tremen an amzer, deskiñ ha kompren
Hiriv unnek ha pevar c'hant lazhet
Gounezet 'peus ur c'harr nevez-flamm
Ha war dro tri c'hant mec'h zo bet gwallet
Oh Jennifer, pelec'h emañ Chang?
Keleier an amzer, adarre
Pevarzek kant mil bugel marnaonek
Pebezh suspens er c'hampionerezh
Bez ez eus muioc'h-mui disurentez
Fenoz ur c'helfilm gant tud vrudet
Keleier an amzer,
Pa zibun ar skeudennoù buan ouzh buan dibaouez
Hep reoliadur ebet na onestiz na gwiriadur
Ar gerioù dremen dre va fenn met n'eus ket netra da gompren
Muioc'h-mui a geleier me evel boaz em c'hador-vrec'h
Nann n'eo ket se, n'eo ket ar vuhez!
Klask ar wirionez kuzhet e bep lec'h all adarre
Diwall diouzh ar bruderez
***
¤ Rok an emskiant ¤
E pep lec'h e klevan
'z eo hor yezh ur binvidigezh
Ez eo pep sevenadur un teñzor d'an denelezh
Evelkent a welan
Ur peurunvanadur dre ret
Gant ur stad mac'homer
Dindan anv gwirioù mab den
Ne gredan ket krediñ ez int-i ken trubard-se
Met n'on ket peurzall
Dazont ebet ganto poent eo c'hoaz gempenn an ti
Bezañ hon unan
¤ Danoet, groupe de rock breton, http://daonet.free.fr ¤
Musik : En Ur Dremen, Danoet
|
|
|
|
|
|
